Nobivac Bb (live Bordetella bronchiseptica bacteria...) – Fuljett ta’ tagħrif - QI06AE02

Updated on site: 09-Feb-2018

Isem tal-Mediċina: Nobivac Bb
ATC: QI06AE02
Sustanza: live Bordetella bronchiseptica bacteria strain B-C2
Manifattur: Intervet International BV

FULJETT TA’ TAGĦRIF GĦALL-

Nobivac Bb lajofiliżejt u solvent għall-suspensjoni għall- qtates

1L-ISEM U L-INDIRIZZ TAS-SID TAL-AWTORIZZAZZJONI TAL-KUMMERĊ, U L- ISEM U L-INDIRIZZ TAS-SID TAL-AWTORIZZAZZJONI TAL-MANIFATTURA RESPONSABBLI LI JĦALLI L-KONSENJA TMUR FIS-SUQ , JEKK DIFFERENTI

Sid l-Awtorizzazzjoni tal-Kummerċ u l-manifattur:

Intervet International B.V.

Wim de Körvertstraat 35

NL – 5831 AN Boxmeer

Olanda

2.ISEM TAL-PRODOTT MEDIĊINALI VETERINARJU

Nobivac Bb lajofiliżejt u solvent għall-suspensjoni għall- qtates

3.DIKJARAZZJONI TAS-SUSTANZA ATTIVA U INGREDJENTI OĦRA

Kull doża (0.2ml) tas-suspensjoni rikostitwita fiha:

Lajofiliżejt:

≥ 106.3 u ≤ 108.3 ta’ partijiet li jiffurmaw kolonji (PJK) tal-batterja ħajja Bordatella bronchiseptica strejn B-C2,

Solvent

Ilma għal injezzjoni

Lajofilżejt: Pellit offwajt jew abjad fil-kannella

Solvent: Soluzzjoni ċara bla kulur.

4.INDIKAZZJONI (JIET)

Għal immunizzazzjoni attiva fi qtates ta’ xahar jew aktar, sabiex jitnaqqsu s-sinjali kliniċi ta’ mard fil- parti ta’ fuq tas-sistema respiratorja assoċjat ma Bordetella bronchiseptica.

Il-bidu tal-immunita ġie stabbilit fi qtates ta’ tmien ġimgħat, sa minn 72 siegħa wara t-tilqima.

L-immunita ddum sa sena.

5.KONTRA-INDIKAZZJONIJIET

Tużax fi qtates tqal jew li qed jagħtu l-ħalib

6.EFFETTI MHUX MIXTIEQA

Wara l-amministrazzjoni, għatis kultant, sogħla u għal ftit żmien, ftit tnixxija mill-għajnejn jew l- imnieħer jistgħu jseħħu, F’ qtates li juru sinjali aktar gravi, jista’ jkun indikat trattament adattat b’antibijotiku.

Jekk tinnota xi effetti serji jew effetti oħra mhux msemmija f’dan il-fuljett, jekk jogħġbok informa lit- tabib veterinarju tiegħek.

7.SPEĊI LI GĦALIHOM HUWA INDIKAT IL-PRODOTT

Qtates

8.DOŻA GĦAL KULL SPEĊI, MOD(I) U METODU TA' AMMINISTRAZZJONI

Għandha tingħata doża waħda, ta’ 0.2ml tal-vaċċin rikostitwit tal-anqas 72 siegħa qabel il-perjodu li fih huwa maħsub li jkun hemm riskju.

Għal użu fl-imnieħer.

9.PARIR SABIEX TAMMINISTRA B'MOD KORRETT

Ħalli s-solvent jilħaq it-temperatura tal-kamra . B’mod asettiku ħallat il-vaċċin imnixxef u ffriżat ma 0.3ml tas-solvent sterili pprovdut. Ħawwad tajjeb wara li żżid is-solvent. Iġbed 0.2ml ta’ vaċċin imħallat (suspensjini offwajt għall-bejġ ċar) ġewwa siringa ta’ millilitru jew żewġ millilitri, neħħi l- labbra u amministra l-kontenut kollu tas-siringa f’waħda mill-imnifsejn tal-qattus.

Ir-ras tal-qattus għandha tinżamm b’imnieħru jipponta l-fuq u ħalqu magħluq, sabiex ikun sfurzat jieħu n-nifs minn imnifsejh. Poġġi s-siringa quddiem waħda mill-imnifsejn u b’attenzjoni amministra l- kontenut kollu tas-siringa fil-kavita nasali via l-imnifsejn. Il-vaċċin huwa amministrat direttament mit- tarf tas-siringa għal fuq it-toqba tal-imnifsejn u jidħol fil-kavita nasali waqt li jittieħed in-nifs.

10.PERJODU TA' TIŻMIM

Mhux applikabbli

11.PREKAWZJONIJIET SPEĊJALI GĦALL-ĦAŻNA

Żomm fejn ma jintlaħaqx u ma jidhirx mit-tfal

Aħżen f’temperatura ta’ 2oC - 8oC. Ipproteġi mid-dawl.

Tużax wara d-data tal-iskadenza fuq it-tikketta.Iż-żmien ta' kemm il-prodott idum tajjeb wara li jiġi mħallat skond kif rakkomandat: 4 sigħat

12.TWISSIJIET SPEĊJALI

Qtates b’saħħithom biss għandhom jiġu mlaqqma.

Għatis mill-qtates wara l-amministrazzjoni, ma jaffetwax b’mod kuntrarju l-effikaċja tal-prodott veterinarju madiċinali.

Tħallatx ma kwalunkwe prodott veterinarju mediċinali ieħor apparti s-solvemt provdut mal-prodott.

M'hemmx informazzjoni dwar is-sigurtà u l-effikaċja ta’ din it-tilqima meta tintuża flimkien ma kwalunkwe prodott veterinarju mediċinali ieħor . . Id-deċiżjoni sabiex tintuża din it-tilqima qabel jew wara xi prodott mediċinali veterinarju ieħor, għaldaqstant għandha tittieħed każ b’każ

Tużax waqt trattament b’antibijotiċi jew flimkien ma prodottivetrinarji mediċinali oħra li jintużaw fl- imnifsejn.

Jekk jiġi amministrat xi antibijotiku fi żmien ġimgħa mit-tilqima, it-tilqima għandha terġa’ tingħata wara li t-trattament bl-antibijotiku jkun tlesta.

Annimali vaċċinati jistgħu ixerrdu l-istrejn tal-vaċċin tal-Bordetella bronchiseptica sa sitt ġimgħat, f’każijiet individwali anke sa sena. Huwa possibbli wkoll li jkun hemm tixrid li jieqaf u wara ftit jerġa jibda.

Għalkemm ir-riskju li nies b’immunita dgħajfa, jiġu nfettati bil-Bordetella bronchiseptica huwa estremament baxx, huwa tal-parir li qtates f’kuntatt qrib ma nies bħal dawn ma jigux imlaqqma. Nies b’immunita dgħajfa għandhom ikunu jafu li qtates imlaqqma jistgħu jibqgħu ixerrdu l-batterja sa sena wara t-tilqima.

Klieb, qżieqeż u qtates mhux imlaqqma jistgħu jirreaġixxu għall-istrejn tat-tilqima b’sinjali respiratorji dgħajfa u li jmorru. Annimali oħra bħal fniek u rodentiċi oħra żgħar, ma ġewx ittestjati.

Għandhom jintużaw proċeduri ta’ disinfezzjoni flokhom wara l-użu ta’ dan it-tilqim li fih batterja ħajja.

F'każ ta' amministrazzjoni lilek innifsek, fittex parir mediku mal-ewwel u uri lit-tabib il-fuljett ta' informazzjoni li jkun hemm ġewwa jew it-tikketta ta’ fuq il-pakkett.

L-importazzjoni, bejgħ, provista u / jew l-użu ta' Nobivac Bb għal qtates huwa projbit f'ċertu Stati Membri jew ġo parti mit-Territorju tagħhom minħabba l-politika nazzjonali tagħhom dwar is-saħħa tal-annimali. Kull persuna li turi l-intenzjoni li timporta, tbiegħ, tipprovdi u/jew tuża Nobivac Bb għal qtates għandha tikkonsulta ma’ l-Awtorità Kompetenti ta’ l-Istat Membru dwar il-programmi ta' tilqim kurrenti qabel timporta, tbiegħ, tipprovdi u/jew tuża.

13.PREKAWZJONIJIET SPEĊJALI DWAR RIMI TA' PRODOTT MHUX UŻATA JEW MATERJAL IEĦOR GĦAR-RIMI, JEKK IKUN IL-KAŻ

Armi l-materjal ħażin li ġie f’kuntatt mas-sustanza attiva billi tgħalli fil-misħun, taħraq jew tgħarraq ġo disinfettant approvat mill-Awtoritajiet Kompetenti tal-pajjiż.

14.DATA META ĠIE APPROVAT L-AĦĦAR IL-FULJETT INFORMATTIV FIL- PAKKETT

Informazzjoni dettaljata dwar dan il-prodott tinstab fuq il-websajt ta’ l-Aġenzija Ewropea għall-Mediċini http://www.ema.europa.eu/.>

15.TAGĦRIF IEĦOR

Għall trattament tal-annimali biss.

Preżentazzjoni:

Kaxxa tal-kartun li fiha 5 fjali ta' 1 doża ta' lajofiliżejt , u 5 fjali ta’ solvent.

Kaxxa tal-plastik li fiha 5 fjali ta' 1 doża ta' lajofiliżejt , u 5 fjali ta’ solvent.

Mhux il-preżentazzjonijiet kollha jistgħu jitpoġġew fuq is-suq.

Kummenti